شخص تاني

نفسي اقتل كل ذكري جوايا ليك
حلوة .. وحشة  اي حاجة تفكرني بيك
نفسي انسي كل حاجة شوفتها بعنيك
او حتي اي شي يوم فكرني بيك

نفسي اغمض عيني وافتحهم الاقيني
شخص تاني
عايش لنفسه مش لحد تاني
بيحب نفسه مخلص لها واناني

شخص تاني
ناسي كل جرح جرحته بايديك
او حتي بلسانك او بنظرة من عنيك

لو أيدك كانت  تربت لو قلبك كان يطبطب
بكلمة   منك كان ممكن يحصل كتير
كان ممكن نغير .. كان ممكن حتي نطير
كان حلمي صغير عمره ما كان مستحيل

لكن خلاص
ما بقتش  خايفة  خلاص
ومش حستني منك الإخلاص
يا ناكر حبي وحناني
حبيت أشكرك في ذكري زواجنا
أشكرك علي اجمل ايام حياتنا
حبيت أقولك
كل عام وانت أناني

 #فلسفة_حياة
#علا_عبد_المنعم